Ons is op soek na Professionele Verkoopskonsultante om by ons top-spanne in Pretoria, Centurion en Randburg aan te sluit.

Wat behels die rol?

Hierdie rol bied die ideale geleentheid om ’n stabiele en lonende loopbaan te bou, terwyl jy ’n betekenisvolle verskil in die lewens van ons kopers maak. Jy sal werk vanuit ’n volledig toegeruste bemarkingskantoor en pragtig gemeubileerde vertoonhuise, almal geleë binne een van ons gevestigde aftree-oorde.

• Kernfokus: Jou hoofverantwoordelikheid sal wees om aftreehuise en woonstelle in ons hoë-gehalte ontwikkelings te verkoop.

• Bemarkingsondersteunde verkope: Geen koue oproepe nie. Ons hanteer al die bemarking en voorsien jou van gekwalifiseerde leidrade. Jou rol is om op te volg, afsprake te maak, die koper se behoeftes te verstaan en hulle te help om die eenheid te kies wat hul leefstyl die beste verbeter.

• Strategiese betrokkenheid: As gewaardeerde lid van die bemarking-span sal jy geleenthede hê om by bemarkingstrategieë betrokke te wees en insette te gee oor toekomstige ontwikkelings.

Werksure:

• Maandag tot Vrydag: Standaard kantoorure

• Elke tweede naweek:

  • Saterdag: 09:00 – 16:00

  • Sondag: 09:00 – 13:00

  • Alternatiewe naweke: Geniet ’n lang naweek vanaf Donderdag tot Sondag.

Is jy die regte kandidaat?
Ons soek ’n doelgerigte, positiewe spanmaat wat floreer in ’n dinamiese en kliëntgefokusde omgewing. Om suksesvol te wees in hierdie rol, moet jy:

• Kalm en georganiseerd wees;

• Warm, selfversekerd en volwasse in jou benadering wees;

• Toegewy wees tot ’n sterk werksetiek en hoë persoonlike standaarde;

• Eerlik en betroubaar wees;

• Vaardig wees om kliënte deur ingeligte besluite te lei, en verkope af te handel deur vertroue, ondersteuning en insig — nooit deur druk of manipulasie nie;

• Uitstekend wees met opvolg en kliëntbetrokkenheid;

• Goeie uithouvermoë hê,

• Empatie kan toon en werklik omgee vir mense se behoeftes.

• Vlot in beide Afrikaans en Engels (meeste van ons kopers is Afrikaanssprekend).

• Moet gemaklik kan kommunikeer met kliënte, vertroue bou en hul unieke behoeftes verstaan.

• Vorige ondervinding in verkope in enige bedryf is voordelig — dit hoef nie in eiendom te wees nie.

• Ons voorsien volledige opleiding oor ons produk en beproefde verkoopstegnieke.

• As jy nie formele verkoops-ervaring het nie, maar glo jy het die passie, dryfkrag en potensiaal om suksesvol te wees, wil ons steeds graag van jou hoor. Jou houding en bereidwilligheid om te groei is net so belangrik soos ervaring.

• Minimum Graad 12 / Matriek.

• ’n Tersiêre kwalifikasie in verkope of bemarking is ’n pluspunt en sal vinniger groei in die maatskappy ondersteun.

• ’n Geleentheid om ons verkoopskantore te besoek en die span te ontmoet voordat jy jou verbind, sodat jy kan sien of dit die regte pos vir jou is.

• ’n Bogemiddelde vaste salaris, gebaseer op ondervinding en prestasie.

• Aantreklike intensiewe gekoppel aan prestasie.

• Mediese skema voordele.

• Risiko-voordele.

• Deurlopende opleiding en ondersteuning om jou sukses te verseker.

• ’n Dinamiese, ondersteunende spankultuur waar ons mekaar motiveer en saam groei.